Nei de ynhâld
postmaster.

Fergese tool foar ûndernimmers

Google review kaartsje en buordsje meitsje

In Google review kaartsje hoege jo net te keapjen. Plak de reviewlink fan jo bedriuw, kies in kaartsje, buordsje of poster en printsje it sels op A4. De QR-koade iepenet by jo klant fuortendaliks it finster om in review te skriuwen. Fergees, sûnder account, en de koade ferrint net. De tekst op de kaart kin yn it Frysk of yn it Nederlânsk.

Skreaun troch , eigener en webûntwikkelder yn Bûtenpost.Bywurke op 13 novimber 2026

Oansprekfoarm
3. Kies wat jo printsje wolle

Kies by it printsjen ‘Opslaan als PDF’ as jo it bestân bewarje wolle of nei in drukker stjoere wolle. Set de skaal op 100% en skeakelje kop- en fuotteksten út.

Foarbyld

Jo bedriuwsnamme

Wat fûnen jo fan ús?

Lit in review efter op Google. It kostet jo mar in minút.

jo QR-koade

Scan de koade mei de kamera fan jo telefoan

Sa sjocht it derút. Plak jo reviewlink by stap 1, dan komt hjir jo eigen QR-koade.

Fjouwer formaten

Kaartsje, buordsje of poster: wat past by jo bedriuw?

Alle formaten brûke deselde QR-koade. It ferskil sit yn wêr't de klant him tsjinkomt.
85 × 55 mm, tsien per A4

Fisitekaartsje

Foar fakminsken dy't by de klant thús wurkje. Jo litte it efter by de oplevering of dogge it by de faktuer.

A6, fjouwer per A4

Toanbankkaartsje

Foar de toanbank, de kassa of de behannelstoel. Past yn in A6-standert of yn in pakket dat jo meijouwe.

A5, twa per A4

Buordsje

Foar de baly, de wachtromte of de tafel. Yn in A5-standert is it fan in ôfstân lêsber.

A4, ien per fel

Poster

Foar de doar, de etalaazje of de muorre by de útgong. De QR-koade is alve sintimeter breed en fan sawat in meter ôfstân te scannen.

Sa printsje jo it goed

  • Printsje op 100% skaal, sûnder kop- en fuotteksten. By 'passend op pagina' kloppe de maten net mear.
  • Brûk stevich papier, bygelyks 200 oant 300 grams. Sjoch yn de hantlieding wat jo printer oankin, of lit it by in copyshop printsje.
  • Knip kaartsjes en buordsjes op de stippellinen. Op de poster steane gjin linen: dy follet it hiele fel.
  • Set in kaartsje of buordsje yn in standert of laminearje it. Dan bliuwt it kreas op in toanbank of yn in wurkbus.
  • Scan de earste print mei jo eigen telefoan foardat jo der fyftich meitsje. Iepenet it reviewfinster fan jo eigen bedriuw, dan kloppet de link.

Wêr fine jo jo reviewlink?

  1. 1. Iepenje jo Bedriuwsprofyl op in kompjûter. Gean nei business.google.com en lis oan mei it account dêr't jo it profyl mei beheare. Google makket de review-QR-koade allinnich yn in browser op de kompjûter, net op de telefoan.
  2. 2. Klik op 'Reviews lezen'. Jo sjogge jo reviews. Boppe-oan of yn it menu stiet de knop 'Meer reviews krijgen'.
  3. 3. Kies 'Meer reviews krijgen' en kopiearje de link. Klik op it kopiearje-ikoan njonken de link. Dy link iepenet by jo klant fuortendaliks it finster om stjerren en tekst efter te litten. Plak him hjirboppe.

Beheart immen oars it profyl, of wolle jo allinnich de QR-koade as bestân? Dat kin op de side Google reviewlink en QR-koade meitsje. Hawwe jo noch gjin profyl, lês dan hoe't jo in Google Bedriuwsprofyl oanmeitsje.

Printsje of keapje

Sels in kaartsje printsje of in NFC-kaart keapje?

Wa't op 'Google review kaartje' siket, komt foaral winkels mei NFC-kaarten tsjin. Beide wurkje. Dit is it ferskil.

Sels printsje

  • Fergees, en hjoed noch klear
  • Wurket mei de kamera fan sa goed as elke smartphone
  • Op 'e nij printsje kostet neat as de kaart skansearre rekket of jo namme feroaret
  • Jo knippe en laminearje sels

NFC-kaart of standert keapje

  • De klant hâldt de telefoan dertsjin, sûnder de kamera te iepenjen
  • Kostet jild per kaart of standert
  • Net elke telefoan lêst NFC, dêrom stiet der meastal ek in QR-koade op
  • Jo hawwe noch altyd jo eigen reviewlink nedich om de kaart yn te stellen

Us advys: begjin mei in printe kaartsje. Fernimme jo dat klanten it brûke, dan witte jo ek hokker formaat en hokker plak wurket, en kinne jo noch altyd in NFC-kaart of in drukte ferzje meitsje litte.

Wat mei der op it kaartsje stean?

  • Freegje neutraal nei de ûnderfining. De standerttekst op de kaart is dêrom 'Wat fûnen jo fan ús?' en net 'Jou ús 5 stjerren'.
  • Jou neat yn ruil foar in review: gjin koarting, kado of kâns op in priis.
  • Jou it kaartsje oan elke klant, net allinnich oan klanten dêr't jo fan witte dat se tefreden binne.

Dit folget út de rjochtlinen foar bydragen oan Google Maps. Mear hjiroer yn Google-reviews keapje: mei it, en wat wurket wol?.

Nei de review

Reviews helpe pas as nije klanten jo ek fine.

Reviews telle mei yn Google Maps, njonken jo kategory, jo wurkgebiet en jo webside. Wy rjochtsje dat yn foar ûndernimmers yn Fryslân, Grinslân en Drinte.

Faak stelde fragen

Oer reviewkaartsjes

Is it Google review kaartsje echt fergees?

Ja. Jo betelje neat, meitsje gjin account oan en litte gjin e-mailadres efter. It kaartsje wurdt yn jo eigen browser makke. Allinnich it papier en de inket binne foar jo rekken.

Wat is it ferskil tusken in reviewkaartsje en in reviewbuordsje?

It formaat. In kaartsje is A6 of sa grut as in fisitekaartsje en jouwe jo mei of lizze jo op de toanbank. In buordsje is A5 en sette jo yn in standert op de baly of tafel, sadat klanten it fan in ôfstân sjogge.

Kin ik myn logo op it kaartsje sette?

Op dizze kaartsjes stiet jo bedriuwsnamme, gjin logo. Wolle jo in kaart yn jo eigen hûsstyl, download dan de QR-koade as SVG op de side Google review QR-koade meitsje en set dy yn jo eigen ûntwerp of stjoer him nei jo drukker.

Haw ik in NFC-kaart nedich foar Google-reviews?

Nee. In printe QR-koade docht itselde: hy iepenet it reviewfinster fan jo bedriuw. NFC is allinnich wat flugger foar de klant, om't dy de kamera net hoecht te iepenjen. In protte bedriuwen begjinne mei in printe kaartsje en keapje letter in NFC-kaart as it goed wurket.

Mei ik op it kaartsje om fiif stjerren freegje?

Dat is net ferstannich. Google stiet net ta dat jo allinnich om positive reviews freegje of klanten foarôf selektearje. Freegje nei de ûnderfining fan de klant en lit de beoardieling oan de klant oer.

Bliuwt de QR-koade op it kaartsje wurkjen?

Ja. De koade befettet jo reviewlink sels, sûnder tuskenstasjon of abonnemint. Salang't jo Bedriuwsprofyl bestiet, bliuwt it kaartsje wurkjen.

Folgjende stap

Better sichtber yn Google Maps?

Fertel koart wat jo dogge en wêr't jo wurkje. Jo krije binnen 24 oere in persoanlike reaksje oer jo profyl en webside.

Frijbliuwend · Reaksje binnen 24 oere · Fêste priis foarôf